Əllərimə köçür yoxluğun – Şeirdən şəkillər

14 Yanvar 2022 09:41 578

YeniYaz.az Könül Arifin “Yoxluğun çərçivəsiz şəkilləri” şeir silsiləsini təqdim edir.

Şəkil 1

Qəfil atəş kimi

Onlarla göyərçin qanadları açıldı havaya

Sübh çağı!

Oyandım...

Öncə göyərçinlərin

Güllə kimi başıma sıxdığı

Sübhün açıldığını anladım.

Sonra

Yoxluğun düşdü yadıma...

"Durub ölüm" dedim,

Ağlayıb qaldım.

Şəkil 2

Qabları

Soyuq suyla yuyanda

Əllərimə köçür yoxluğun.

Şəkil 3

Sükut...

Sükut xofu!

SÜKUT XOFU!!!

Şəkil 4

Evdə insan səsləri,

Çöldə insan səsi,

İnsan gülüşü,

İnsan surətləri!!!

...və heç biri,

İlahi,

Heç biri

O deyil...

Şəkil 5

Saçlarımı kəsdirdim,

Telefonu söndürdüm,

Təzə paltar geyindim,

Daha nə qaldı?

Hə,

İndi

Ölə bilərəm.

Xəbər