Yanvarın 24-ü saat 19-da “Crescent Mall”da yerləşən “Əli və Nino” kitab mağazasında gənc yazar Vüqar Vanın “Haradasa olardı 13-14 yaşım” romanının təqdimatı və imza günü keçiriləcək.
Tədbirdə yazarın qələm dostları, media nümayəndələri və oxucular iştirak edəcək.
“Qanun” Nəşrlər Evində işıq üzü görən kitabın qəhrəmanı öz hekayəsini yeniyetməliyin ən doğma və həssas detalları ilə toxuyub bütün çılpaqlığı ilə təqdim edir.
Yazıçı avto-fiksiyaya yeni baxış gətirərək şəxsi təcrübələrini bədii dillə birləşdirir. Romanda yeniyetməlik dövrünün qaynar böhranları təsvir olunur. Yumorun, əyləncəli atmosferin arxasında mənəvi axtarışlar gizlənir.
Xatırladaq ki, bundan əvvəl müəllifin eyni nəşriyyatda "Arxalardakılar" adlı romanı çap olnub.
23 Yanvar 2025 12:01 
51
