Nihad Fəlsəfeh
Bayatılar
***
Bu həyat bir yuxudur,
Demiurqun poxudur.
Əbədiyyən yaşamaq
Ay qa, kimin duxudur?
***
Bu həyat bir kölgədir,
Pavarotdur, döngədir.
Ölüm həyat yanında
Yekəgötlü yengədir.
***
Bu həyat çox fanidir,
Ölümümüz anidir.
Göylərdən bir zart gəlsə
Bilin ki, o irfanidir.
***
Ayırsa bizi ölüm
Kimlə yatağı bölüm?
Qeyrisini sevmərəm,
İnciyər məndən könlüm.
***
Yoxluq yoxdur, varlıq var.
Varlıq gəlir mənə dar.
Bu dünyada qonağam,
Getsəm edin ahu-zar.
***
Həyatla ölüm sirdaş,
Həyatla ölüm qardaş.
Birdən səni söksələr,
Söksünlər yavaş-yavaş.
***
Ölüm lapdan gələcək,
Ömrüm birdən bitəcək.
Mən səndən doyamadım,
Səni kimlər sökəcək?
***
Araqla pivə – bacı,
Ödərlər ehtiyacı.
Onları mən içməsəm
Dadar ölümüm acı.
***
Araqla pivə – duet,
Yanlarında var kotlet.
Oldu trio, gözəlim,
Duraq oynayaq balet.
***
Qaçır saat, saniyə,
Soruşmur “necə?”, “niyə?”.
Qurban ollam saçından,
Qıçından gələn iyə.
***
Sual vardır, cavab yox,
Biri acdır, biri tox.
Gəldi-gedər həyatım
Həm şəkərdir, həm də pox.
***
İnsan deyildir azad,
Ağzı dirsəyə uzat.
Qabaqda qəbir gözlər,
Dönə bilmərsən nazad.
***
Məna yoxdur həyatda,
Əmin deyilsən bratda.
Hələ ki, nasosun var
Təkərləri kaçatda.
***
Həyat çətindir, çətin,
Bir gün çürüyər ətin.
Sıçdım içinə, qaqa,
Bu cür gözəl söhbətin.
***
Uzun uzanır bu yol,
Sağ ilə qardaşdır sol.
Qoy bu yolda gözəllər
Öpsünlər səni bol-bol.
***
Axıdıram göz yaşı,
Yeyirəm ehsan aşı.
Ölüm məni sökəcək,
Tanıyıram oğraşı.
***
Ağla gözəlim, ağla,
Dağla sinəni, dağla.
Sevgilin ölüb getdi,
Qapıları kip bağla.
***
Qədəhlərə süz çaxır,
Axtarma Əvvəl, Axır.
Bu dünya bir çirkabdır,
Poxu üzünə yaxır.
***
İçirəm mən çaxırı,
Göylər məni çağırır.
Sevirəm gözəlimi,
Eşşək kimi anqırır.
***
Dövran edir kainat,
Qəlbində aləm yarat.
Görsən ki, alınmayır
Dodaqlara vur peçat.
***
Tüpürüm bu həyata,
Qəbir kimidir yataq.
Bu dünyada qonağıq,
Dünya kirayə otaq.
***
Bozdur həyatım, bomboz,
Bu sətri gəl indi yoz...
Sıxır məni suallar,
Təpəmdə sındırır qoz.
***
Yay ötdü, gəldi payız,
Suallarım cavabsız.
Həyat ağ üzlü qəhbə,
Ölümsə qarayanız.
***
Acgözdür mənim adım,
Bu dünyadan doymadım.
Çıxıb getdin gözəlim,
Qəlbini heç oymadım.
***
Qədəhlərə süz araq,
Saçlara vurma daraq.
Ölümdən sonra, yavrum,
Nə səs vardır, nə soraq.
***
Həyatıma gəldi qış,
Qar yağdı, yağdı yağış.
Ölüm ayağında mən
İstərəm yağlı camış.
***
Ölüm kordur, həm də kar,
Səndən çıxmaz mənə yar.
Kimi gəldi öpmüsən,
Qəlbin geniş, deyil dar.
***
Dünyanı alma vecə,
Oyun bitib heç-heçə.
Hələ dirisən, qaqa,
Dodağı öp hər gecə.
***
Bu həyat bir oyundur,
İnsan oğlu qoyundur.
Həqiqəti sən tapsan
Çalış onu soyundur.
***
Varmı, yoxmu həqiqət?
Kimdən götürək ibrət?
Qadına və kişiyə
Lazımdır bir parça ət.
***
Hər şey dəyişir, axır,
Alışır, yanır, çaxır.
Sevirəm mən yarımı,
Yarım tavana baxır.
***
Mənə danışma nağıl,
Mənə söyləmə ağı.
Ölümə lap az qalıb,
Dodağa ver dodağı.
22 Noyabr 2022 12:46 
339
