İlqar Rəsulun yeni romanı nəşr olundu

Antutopiya janrında yazılmış bu əsər 10 ilə ərsəyə gəlib. Müəllif romanı 2014-cü ildən yazmağa başlasa da, sonradan işi yarımçıq saxlayıb.

Nəhayət, 2024-cü ildə əsəri yekunlaşdırıb, nəşriyyata verib.

Qanun Nəşriyyatında işıq üzü görən “Günəşdən o yanda” romanı tənha bir insanın yaşantılarını, sivilizasiyaları, mədəniyyətləri təmsil edən simvolika, yaranış, həyat və qiyamətin özünəxas yozumunu təqdim edir.

Bundan əvvəl müəllifin “Getmə”, “Sara” və “Katyuşa” romanları nəşr olunub.